يالله تغفر لي ولا تبلاني
تجعلنـي أبيـض قلـب صافـي نيـه
وتعيـنـي فــي المـاقـف الانـسـانـي
وتصلـح لـنـا فــي الـمـال والـذريـه
ستـرك وعـفـوك خيـر مما عـطانـي
مـعـزبي سلطـان مـن الـجاهـيـه
أنـت اكفنـي عـن عثـرة الصدقانـي
عــثــرة ردي تــوجـع الـنـفـسـيــه
وازهــل عـلـي مواجـهـه عـدوانـي
روس الـعــدى كــرامــة الجـنـبـيـه
وأنا لسانـي فـي اللـزوم حصـانـي
خـيـره وشـــره كـــل أبـوهــا لـيــه
اسـخــره فـــي خـدمــة الأوطـانــي
وفـــي مـجــال الــدعــوه الـديـنـيـه
ومـن دون حكـام البلـد لــه شـانـي
ومــن دون ربـعـي وقفـتـه مثـنـيـه
مـــرات يـاخـذنـي عـلــى خــلانــي
الـحــب وزن الـشـعــر والقـافـيـيـه
عـنــدي يـســاوي قـلــة الـيـابـانـي
ومــا عــده العـسـاف فــي المالـيـه
يـاكــم ويـاكــم شـايـبـي وصـانــي
كــم مــرت(ن) يظهـرلـي المخفـيـه
قـــال الـعــرب كـلامـهــا مـجـانــي
وأفـعـالـهــا بـالـفـلــس والـربــيــه
عـز الله أنـــه شـايــب(ن) ربــانــي
ياجعـلـنـي فـــدوة تـــراب احــذيــه
ســلام يـاتـاج(ن) عـلـى التيجـانـي
عـلــى جـبــاه(ن) طـأهــره واتـقـيـه
عمـي وعـم(ن) مـن علـى عمـانـي
وأبـوي لـو الأسمـا مـهـي مسمـيـه
مـعـزبــي ومــعـــزب الـشـيـخـانـي
و العـهــد عـهـده والـولأء وألـيـيـه
يـأ سيـدي السـلطاني لأ تلحاني
واسمـع سوالـف روحـي المشقـيـه
خـوتك خـوه يـأ أخـطل ألـذرعـأني
لـكـن لـحـقـني مـنـهـا مـحـقـيـه
كـبـرت جـاهـي واكـثـرو ضيفـانـي
وضـالـوا عـلــي الـربــع والعانـيـيـه
وخـسـارتــي تـدبــلــت واقــذانـــي
وفـقـري وقـل الحـيـل فـــي يـديــه
قـالـوا عـطــاه الـــدر والمـرجـانـي
وقالـوا هبالـه قصـر فـي الشرقـيـه
وقالـوا رصيـدي يبـري الوجعـانـي
وأنــا عـلـى سـيــارت(ن) كـوريــه
هــي والشـبـح وكيلـهـا الوعـلانـي
سبحان من فرق أخ(ن) عن خييـه
قــل للمحيـسـن ينـجـز القحـطـانـي
يصـرف مـايبني عــشـة الـزوجـيـه
يعطيـنـي الياقـلـت وامــا أعطـانـي
أظـهـرت دمـعـة عـيـنـي المخـفـيـه
عصــاة مـوسى وخـاتم سليمانـي
ما حركـت في أبـن المحسن شيـه
لــا جـيـت أبعـايـد عـلـى شيبـانـي
حنـيـت نفـسـي مـــن خـــلا كـفـيـه
فـقـيــر ويـعـايــد عــلــى فـقـرانــي
أمحـق فـقـر وامـحـق بـعـد عيـديـه
ياميير مشيـن موتـة الوحـدانـي
وان مــــات لا هــــذي ولا هــذيــه
من حر قيض الأرض في الصماني
يمشـي الجمـل بالطاقه الشمسيه
